Velkomin á heimasíðu Syngja.is!

Ef þú ert að leita að  vandaðri klassískri söngkennslu sem byggir á reynslu og fagmennsku þá ert þú á hárréttum stað. 
Hjá Syngja.is eru kennd klassísk grundvallaratriði í einsöng fyrir byrjendur og hefðbundin klassísk söngkennsla fyrir lengra komna. 
Engar forkröfur eru gerðar til byrjenda.  Það sem þarf til er áhugi og viljinn til að læra að syngja. Allir eru velkomnir og við minnum á, að það er aldrei of seint að byrja.
Aldurstakmarkið til að hefja nám í klassískum einsöng er sveigjanlegt en yfirleitt er miðað við að mútum sé lokið. Þetta er einstaklingsbundið.
Börn og unglingar sem vilja læra undirstöðuatriði í góðri heilbrigðri raddbeitingu eru ávallt velkomin í söngtíma en hjá Syngja.is er lögð áhersla á klassískan grunn þó að við kennsluna auk æfinga, séu notuð bæði klassíks einföld sönglög og létt dægurlög. 
Kennsluaðferðir í söngnámi byggja að mestu á sýnikennslu og fyrirlestrum. Kennslan er einstaklingsmiðuð og fer fram í einktatímum. Lengt tíma er samkomulagsatriði en fyrir byrjendur, sérstaklega börn og unglinga er ráðlagt að hafa tímana í kring um 20 – 30 mínútur.
Einkenni söngnáms eru sífelldar endurteknar æfingar og leiðréttingar af hálfu sönkennarans. Nemendur sem vilja ná tökum á listgreininni þurfa að búa yfir þolinmæði og miklum áhuga á viðfangsefninu.
Hér fyrir neðan eru helstu upplýsingar fyrir þá sem eru forvitnir um það hvað fer fram í fyrstu tímum í söngnámi. Ekki hika við að senda okkur fyrirspurn á syngja@syngja.is. 

Með kærri kveðju,

Sigríður Aðalsteinsdóttir söngkennari


 

Fyrstu söngtímarnir:

  • Í fyrsta söngtíma er farið yfir grundvallaratriðin sem nemandinn mun læra í söngnáminu. Þessi grundvallaratriði eru í grófum dráttum fræðsla um röddina sem líffæri, virkni þess og mikilvægi góðrar umhirðu.
  • Farið er yfir mikilvægi líkamsstöðu og öndunar í söng.
  • Gerðar eru einfaldar raddæfingar með nemandanum.
  • Í lok tímans er söngkennarinn kominn með hugmynd um rödd/hljóðfæri nemandans og hvernig hann þarf að grundvalla söngkennsluna sem framundan er.

Framhaldið:

  • Framhaldssöngtímar byggjast upp á þeirri vitneskju sem söngkennarinn hefur úr fyrsta tíma.
  • Það er einstaklingsbundið hvenær nemendur byrja að vinna sönglög. Flestir byrja eftir einn eða tvo söngtíma.
  • Lagaval er samkomulagsatriði en þó er það háð byggingu raddarinnar hvaða efni verður fyrir valinu.
  • Nemendur æfa sig lítið heima fyrst um sinn. Þeir eru hinsvegar hvattir til að hugsa um innlegg söngkennarans og velta fyrir sér því sem fram fer í söngtímum.

Syngja.is – Reykjavík

Syngja.is – Akureyri